Kunji i Dukës për futbollin iranian

Presidenti i FSHF z. Armand Duka gjatë takimit të zhvilluar sot në Teheran me Presidentin e Federatës Iraniane të Futbollit nuk harroi një detaj nga kontaktet e mëparshme mes dy federatave.

Duke dhënë një këshillë për Presidentin e FFI, z. Duka duke qeshur tha: “ Irani dhe Shqipëria kanë zhvilluar një takim miqësor në Stamboll, ku Shqipëria fitoi 1:0. Tani që ekipi iranian po pregatitet të shkojë në Kupën e Botës, Russia 2018, për të ngritur moralin para këtij evenimenti të madh sportiv, gjatë ndeshjeve miqësore Irani duhet të zgjedhë kundërshtarë më të lehtë se Shqipëria”.