73 kamionë amerikanë të ngarkuar me pajisje ushtarake hyjnë në Siri

Një autokolonë tjetër e përbërë nga 73 automjete të Ushtrisë Amerikane të ngarkuar me armë, pajisje ushtarake dhe përforcim logjistik ka mbërritur nga Iraku në provincën veri-lindore të Sirisë Hasakah, një rajon i pasur me naftë, raportoi agjencia zyrtare e lajmeve e Sirisë.

Sipas SANA, duke cituar burime lokale, autokolona ushtarake, e ruajtur fort nga gjashtë automjete të lidhura me militantët e të ashtuquajturës Forca Demokratike Siriane (SDF), arriti të dielën në një bazë të operuar nga forcat amerikane brenda aeroportit ushtarak Khrab al-Jir. Konvoji hyri në territorin sirian nga veriu i Irakut përmes pikëkalimit kufitar al-Walid, raportoi SANA, duke shtuar se automjetet erdhën për të mbështetur praninë e paligjshme të forcave amerikane në rajonin al-Jazeera të Sirisë. Gjatë muajve të fundit, forcat amerikane kanë sjellë mijëra kamionë të ngarkuar me armë dhe pajisje ushtarake dhe logjistike në provincën Hasakah përmes kalimeve të paligjshme kufitare nga Iraku verior. Damasku, i cili nuk ka autorizuar praninë e ushtrisë amerikane në territorin e tij, thotë se Uashingtoni po plaçkit naftën e Sirisë dhe në fillim të gushtit, dënoi një marrëveshje të naftës të nënshkruar midis SDF dhe një kompanie amerikane. Qeveria Siriane tha në atë kohë se e ashtuquajtura kontratë ishte e pavlefshme dhe pa efekt juridik.