Kryeministri i Irakut: Ne nuk kemi nevojë për trupa amerikane
Kryeministri i Irakut tha se vendi nuk ka nevojë për forca operative amerikane dhe qëllimi i dialogut strategjik midis Uashingtonit dhe Bagdadit është të rishikojë marrëdhëniet midis dy palëve.
Në një intervistë për gazetën trans-rajonale Al-Sharq Al-Aësat, kryeministri Irakian Mustafa al-Kadhimi shtoi se Iraku ka kaluar përvojën e luftës kundër ISIS dhe se nuk ka nevojë për forca operative të SHBA. "Ajo që ndodhi pas vitit 2003, mosbesimi i krijuar nga sistemi i brishtë politik, lufta sektare dhe pabarazia midis etnive, ka çuar në luftëra të kota që kanë rezultuar në zhvendosjen dhe shpërnguljen e irakianëve," tha ai. Badr al-Zayadi, një anëtar i Komitetit të Sigurisë dhe Mbrojtjes së parlamentit Irakian, gjithashtu theksoi pikat kryesore të raundit të ri të bisedimeve strategjike midis Bagdadit dhe Uashingtonit, duke thënë se raundi i ri i bisedimeve strategjike, i cili do të fillojë më 7 Prill, do të përfshijë çështjet ekonomike, politike dhe të sigurisë. "Iraku sot ka një forcë të aftë sigurie dhe mund të mbrojë kufijtë e tij pa nevojën e forcave shtesë," tha ai. Më 5 janar 2020, parlamenti irakian miratoi një plan për tërheqjen dhe dëbimin e trupave amerikane nga vendi.
