Hamas: Lufta kundër veprimeve raciste të Izraelit mbetet e fortë

Kreu i byrosë politike të Hamasit në Rripin e Gazës tha se lufta kundër Izraelit dhe veprimeve të tij raciste kundër popullit Palestinez mbeten e fortë.

Sipas Russia Today, Yahya al-Senwar, kreu i zyrës politike të Hamasit në Rripin e Gazës, të hënën në mëngjes tha se qëllimi i Hamasit në luftën e fundit me Izraelin ishte vetëm dërgimi i një mesazhi regjimit dhe asgjë tjetër.  Al-Sanëar shtoi se qëllimi i rezistencës ndaj luftës ishte t'u dërgonte një mesazh okupatorëve se ata nuk mund të merrnin Xhaminë Al-Aksa, Al-Kodsin dhe lagjen Sheikh Jarah duke ndërtuar qytete, duke konfiskuar tokë, duke rrethuar njerëzit e Gazës dhe duke vazhduar politikat në territoret e okupuara të vitit 1948.  "Izraeli ka një arsenal të madh armësh dhe municionesh dhe regjimi po vret qëllimisht fëmijë dhe gra palestineze. Për këtë rezistenca është e detyruar të përdorë të gjitha mjetet në dispozicion për të mbrojtur popullin e vet," tha al-Senwar, duke theksuar se pala palestineze nuk ishte duke kërkuar luftë. Më parë, Ziad al-Nakhaleh, sekretar i përgjithshëm i lëvizjes Palestineze të Xhihadit Islamik dhe Khalid al-Battash, një anëtar i byrosë politike të lëvizjes, theksuan nevojën e xhihadit palestinez dhe rezistencës për të dëbuar sionistët okupues nga Palestina.