Amerika transferon terroristët e ISIS në Siri
Amerika gjatë disa ditëve të fundit ka transferuar me dhjetëra terrorist të ISIS nga një burg në bazën Al-Shadadi në Siri.
Gazeta “Al-Vatan” e Sirisë ka shkruar se forcat ushtarake amerikane ditën e enjte kanë transferuar 60 terroristë të grupit ISIS që disa prej tyre janë shtetas të Arabisë Saudite dhe Irakut, nga burgu industrial Al-Thanevije në hyrje të qytetit Al-Hasake në një bazë të tyre në qytetin Al-Shadadi në jug të kësaj province.
Sipas burimeve informative siriane, tre ditë më parë forcat ushtarake amerikane kanë transferuar po një numër të ngjashëm të terroristëve në qytetin Al-Shadadi.
Amerika edhe më parë trajnonte terroristët për t’iu bashkuar grupeve të armatosura në Siri siç është një grup i ashtuquajtur “Ushtria e Fiseve” në bazën Al-Shadadi në mënyrë që ata të luftojnë kundër ushtrisë siriane.
Amerika dhe aleatët e saj me pretekst të luftës kundër grupeve terroriste, në mënyrë të paligjshme dhe pa lejen e qeverisë së Sirisë, ka dislokuar forca ushtarake të saj në këtë vend.
