Thirrje për demonstrata masive, forcat saudite vendosen në rrugë
Aktivistët sauditë bënë thirrje për demonstrata për të protestuar për gjendjen e të burgosurve politikë në Arabinë Saudite dhe kundër shtypje së kritikëve dhe aktivistëve. Për këtë arsye për të shuar protestat forcat e sigurisë së Al Saud dolën në rrugë në qytete të ndryshme të vendit.
Situata e të burgosurve politikë dhe zgjerimi i masave shtypëse nga regjimi Al-Saud janë dy arsyet kryesore të thirrjes së aktivistëve sauditë për të mbajtur demonstrata masive. Ka më shumë se 30,000 të burgosur politikë në Arabinë Saudite, shumë prej të cilëve po mbahen pa gjyq. Arsyeja kryesore për burgosjen e tyre është se ata kritikojnë ose kundërshtojnë regjimin Al-Saud dhe aktet e tij të ndryshme të dhunës ndaj popullit saudit. Ata jo vetëm që nuk janë gjykuar në ndonjë gjyq të drejtë, por po torturohen në mënyra të ndryshme në burgjet Al-Saud. Dhuna ndaj të burgosurve politikë është intensifikuar edhe në periudhën e virusit Korona. Sipas raporteve të shumta, qeveria Saudite dërgon të burgosurit politikë në izolim me pretekstin e parandalimit të përhapjes së koronës, por refuzon t'u sigurojë atyre shërbime shëndetësore. E njëjta gjë është edhe për gratë e burgosura politike, që ndoshta është edhe më keq. Situata e të burgosurve politikë shpeshherë ka shkaktuar protesta në Arabinë Saudite. Faqja e internetit të Lindjes së Mesme më 19 korrik shkruajti: "Gratë saudite këtë javë po bëjnë fushatë të gjerë në internet për të rritur ndërgjegjësimin në lidhje me kërcënimin e shëndetit të grave në burgjet saudite për shkak të mungesës së shërbimeve shëndetësore”. Aktivistët e shoqërisë civile gjithashtu kanë bërë thirrje për demonstrata në mbështetje të të burgosurve politikë, duke kërkuar që t’i jepet fund shtypjes së qytetarëve sauditë. Protestuesit në mediat sociale kanë sugjeruar që qytetarët sauditë të postojnë posterat e tyre, të fluturojnë tullumbace, të djegin goma dhe të shkatërrojnë fotografitë e mbretit dhe princit të kurorës saudite. Në vend që të dëgjojë kërkesat e njerëzve, qeveria saudite ka vendosur forcat e sigurisë në rrugët e qyteteve të ndryshme, duke përfshirë edhe pjesën lindore të vendit kryesisht provincën shiite Al-Qatif. Kjo situatë dhe marrja e një qasje sigurie kundër kritikëve dhe popullit protestues të Arabisë Saudite është kryesisht për shkak të natyrës së pushtetit të Al-Saud në Arabinë Saudite. Sayyed Hashem Razavi, një ekspert i çështjeve Saudite, tha: "Askush në Arabinë Saudite nuk mund të mendojë të kritikojë qeverinë. Pika e fundit është se; Pasiviteti dhe heshtja me mbështetjen e institucioneve ndërkombëtare, veçanërisht të Këshillit të Sigurimit të KB dhe fuqive perëndimore, veçanërisht Shtetet e Bashkuara, është një faktor i rëndësishëm në përjetësimin dhe intensifikimin e dhunës së qeverisë saudite kundër qytetarëve sauditë, përfshirë të burgosurit politikë.
