Shtatë kolona ushtarake amerikane sulmohen në të gjithë Irakun

Të paktën shtatë autokolona që mbanin pajisje logjistike për forcat amerikane thuhet se janë sulmuar në vende të ndryshme në të gjithë Irakun.

Sulmet e njëpasnjëshme u zhvilluan të martën në qytete të ndryshme të vendit, raportoi Saberin News, një media e lidhur me grupet e rezistencës së Irakut. Sipas kësaj medie, dy nga autokolonat u goditën në qytetin al-Divaniyah, kryeqyteti i provincës juglindore irakiane al-Kadisijah, një zonë e rregullt e sulmeve të tilla. Menjëherë pas kësaj, burime të tjera të lajmeve raportuan sulme ndaj dy grupeve të tjera të automjeteve, të ngarkuara në mënyrë të ngjashme me pajisje ushtarake për forcat amerikane, në provincën Babel në veri të Irakut. Një kolonë tjetër u godit gjithashtu ndërsa udhëtonte nëpër zonën Jusufijah të kryeqytetit Bagdad. Dy sulmet e tjera goditën automjetet ushtarake të SHBA në provincat Musana dhe Dhi Qar. Incidentet u pretenduan nga grupi Kasem al-Xhabarin që e identifikon veten si një grup i rezistencës kundër okupimit.