Wilkerson: Izraeli nuk do të jetë shtet në 20 vjet

Lawrence Wilkerson, një kolonel në pension i ushtrisë amerikane dhe shef i shtabit të ish-sekretarit amerikan të Shtetit Colin Powell, tha: "Izraeli nuk do të ekzistojë si shtet në 20 vjet, sepse ai e delegjitimizoi veten si një shtet aparteidi".

Ai theksoi: "Izraeli është ndoshta një përgjegjësi parësore strategjike për Shtetet e Bashkuara. Shpresojmë që të heqim qafe Netanjahun dhe në të njëjtën kohë të heqim qafe Kushnerin, Pompeon dhe Trumpin, kështu do ta lehtësojnë situatën për të pasur në Izrael një qeveri që ndoshta e sheh sa e rrezikshme është e ardhmja e saj."  Wilkerson shtoi: "Unë kam thënë se Izraeli nuk do të jetë shtet në 20 vjet, se nuk do të ekzistojë më. Sigurisht që nuk do të jetë një demokraci. Do të jetë një shtet aparteidi dhe bota do ta refuzojë atë siç bëri me Afrikën e Jugut. Unë them tani që Izraeli nuk do të jetë shtet, nuk do të ketë më. " Sipas tij, "Izraeli është shteti me më shumë mundësi në botë për t'i çuar Shtetet e Bashkuara në Armagedon". Lawrence Wilkerson theksoi se Shtetet e Bashkuara tani duhet t'i thonë Izraelit që "të ndryshojë shpejt" ose do të ndalojë financimin dhe mbrojtjen e Izraelit, por Shtetet e Bashkuara nuk do ta bëjnë këtë.