Dy fëmijë vriten në sulmin saudit me bomba fragmentale në Jemen

Koalicioni agresor saudit vrau dy fëmijë jemenas në një sulm të dielën në mëngjes në provincën e Haxhe në veriperëndim të kryeqytetit të Jemenit Sanaa.

Rrjeti i lajmeve Al-Masira raportoi se dy fëmijë jemenas u vranë dhe dy të tjerë u plagosën në një sulm me bombë fragmentale në një shtëpi banimi në provincën Haxhe. Gjithashtu të shtunën, avionët e koalicionit agresor saudit kryen 39 sulme kundër distrikteve Al-Vadi, Sarah dhe Al-Xhuba në provincën Ma'rib. Ndërkohë, faqja e lajmeve Al-Akhbariya Al-Alamiya raportoi të shtunën se dhjetëra anëtarë të qeverisë së dorëhequr të Mansur Hadit dhe të partisë Al-Islah u vranë dhe u plagosën gjatë një prite nga ushtria dhe forcat popullore jemenase. Burimet jemenase të lajmeve raportuan të shtunën mbrëma se në 24 orët e fundit koalicioni i udhëhequr nga Arabia Saudite kishte shkelur 159 herë armëpushimin në provincën perëndimore Al-Hudaidah, pavarësisht pretendimit të Ministrit të Jashtëm saudit se lufta do të përfundonte.