Al-Hudaidah bombardohet nga avionët e koalicionit saudit

Koalicioni agresor saudit sulmoi sërish provincën al-Hudaidah në Jemenin perëndimor, duke shkelur kështu marrëveshjen e armëpushimit.

TV Al-Masira në Jemen raportoi se avionët e koalicionit agresiv saudit kishin bombarduar ndërtesën e Autoritetit të Telekomunikacionit Al-Hudaidah. Në sulm u vranë dhe u plagosën disa civilë jemenas. Nuk dihet ende numri i saktë i viktimave në këtë krim. Armëpushimi i rënë dakord në Suedi ndërmjet delegacionit nga Sanaa dhe delegacionit nga Riadi filloi mëngjesin e së martës, 18 dhjetor 2018 në provincën perëndimore të Jemenit, Al-Hudaidah, por koalicioni saudit e shkel atë çdo ditë. Arabia Saudite, me mbështetjen e Shteteve të Bashkuara, Emirateve të Bashkuara Arabe dhe disa vendeve të tjera, ka nisur një pushtim ushtarak të Jemenit dhe një rrethim tokësor, detar dhe ajror që nga marsi i vitit 2015.  Shpërthimi i luftës nga Arabia Saudite dhe aleatët e saj në Jemen deri më tani ka vrarë dhe plagosur qindra mijëra jemenas dhe ka zhvendosur 4 milionë të tjerë. Agresioni ushtarak i Arabisë Saudite ka shkatërruar gjithashtu më shumë se 85 për qind të infrastrukturës së Jemenit, duke e lënë vendin në mungesë të madhe të ushqimit dhe ilaçeve.