Hamasi: Sulmi ndaj Sheikh Jarrah është një lojë zjarri

Në reagim ndaj sulmeve sioniste në lagjen Sheikh Jarrah, zëdhënësi i lëvizjes Hamas tha: Sulmi i kolonëve sionistë ndaj banorëve palestinezë të lagjes Sheikh Jarrah është një lojë zjarri.

Sipas agjencisë së lajmeve Shahab, "Mohammad Hamadeh", zëdhënësi i lëvizjes Hamas në qytetin e pushtuar të Kodsit, në përgjigje të sulmeve të mbrëmshme të ushtrisë sioniste dhe kolonëve në lagjen Sheikh Jarrah, tha:  Sulmi i kolonëve sionistë të udhëhequr nga "Ben Ghafir", përfaqësuesi i regjimit sionist ndaj banorëve palestinezë të lagjes Sheikh Jarrah në Kodsin e pushtuar, është një agresion i dukshëm dhe lojë me zjarrin në Kods, sepse e gjithë Palestina do të ngrihet me të gjitha forcat për të mbrojtur Kodsin. Ai shtoi: Ne paralajmërojmë regjimin pushtues për vazhdimin e këtyre sulmeve, të cilat janë si zjarri shpërthyes për këtë regjim.  Hamadeh sqaroi: Ne u bëjmë thirrje fëmijëve të popullit palestinez, veçanërisht popullit të Kodsit të pushtuar, që të jenë të gatshëm për të ndihmuar bashkatdhetarët e tyre në lagjen Sheikh Jarrah dhe t'i kthejnë të gjitha qytetet dhe fshatrat në Bregun Perëndimor dhe Kods në një fushë konfrontimi me regjimin e egër  pushtues dhe kolonët frikacakë sionistë.