Sionistët sulmojnë sërish lagjen Sheikh Xharah

Kolonët sionistë të shtunën u përleshën me palestinezët në lagjen Sheikh Xharrah të Kodsit të pushtuar.

Sipas agjencisë së lajmeve Tasnim, sionistët pushtues në këtë sulm kanë përdorur armë zjarri. Të paktën një palestinez u qëllua dhe u plagos në sulmin e lartpërmendur. Muhamed Hamadeh, zëdhënës i Lëvizjes së Rezistencës Islamike Palestineze (Hamas) në Kodsin e pushtuar, së fundmi, në reagim ndaj sulmeve të ushtrisë dhe kolonëve sionistë në lagjen “Sheikh Xharrah”, deklaroi: Sulmi i kolonëve sionistë ndaj palestinezëve në lagjen "Sheikh Xharrah" është një agresion i dukshëm dhe lojë me zjarrin në Kods. Mirëpo e gjithë Palestina do të ngrihet me të gjitha forcat për të mbrojtur Kodsin, tha ai. Lagjja Sheikh Xharrah në Kodsin e pushtuar në muajt e fundit ka qenë dëshmitare e sulmeve të gjera ndaj palestinezëve nga kolonët dhe ushtria okupuese sioniste. Vendimi i regjimit sionist për të dëbuar banorët e kësaj lagje ka sjellë një valë dënimesh dhe kritikash ndërkombëtare. Aktualisht, të paktën 28 ​​familje palestineze në lagjen Sheikh Xharrah janë në rrezik të zhvendosjes së detyruar dhe humbjes së shtëpive të tyre.