ISIS emëroi një lider të ri
Një burim i sigurisë irakiane njoftoi sot se grupi terrorist ISIS ka emëruar një lider të ri.
Sipas faqes së internetit "Al-Sumaria News", lideri i ri është "Xhumma Awad Ibrahim Al-Badri", i cili në të kaluarën ishte mbiquajtur Abu Mohammad Al-Xholani dhe titulli i tij aktual është Abul Hassan Al-Hashemi Al-Kuraishi dhe vëllai i “Abu Bakr Al-Baghdadi”, ish-liderit të ISIS-it. Në të kaluarën, kalifi i ri mbante poste komanduese në ISIS, duke përfshirë të qenit kreu i të ashtuquajturit "Organi Këshillimor i ISIS". Tre vjet më parë, në një mesazh audio grupi terrorist ISIS njoftoi vdekjen e liderit të tij Abu Bakr al-Baghdadi. Grupi terrorist ISIS u themelua në korrik 2014 nën udhëheqjen e Abu Bakr al-Baghdadi nga Muxhahidinët Salafistë, të ndarë nga rrjeti i Al-Kaedës dhe hyri në luftë me qeveritë e Irakut dhe Sirisë. Grupi terrorist ISIS dikur kishte pushtuar pjesë të mëdha të Irakut verior dhe Sirisë lindore me popullsi prej 2.8 dhe 8 milionë banorësh dhe pjesë të vogla në Libi, Nigeri dhe Afganistan. Pavarësisht humbjes së ISIS-it në Irak, një numër i anëtarëve të këtij grupi terrorist janë ende të pranishëm në rajone të ndryshme të vendit dhe kryejnë sulme sporadike terroriste.
