Mikati refuzoi urdhrin e presidentit Michel Aun

Naxhib Mikati, kryeministri i Libanit, refuzoi të pranojë vendimin e fundit të presidentit Michel Aun për të shpallur dorëheqjen e qeverisë aktuale.

Sipas rrjetit televiziv Al-Mayadeen, Michel Aun nënshkroi zyrtarisht dorëheqjen e qeverisë në ditën e tij të fundit si President i Libanit. Sipas kushtetutës së Libanit, qeveria e këtij vendi jep dorëheqjen në të njëjtën kohë me përfundimin e mandatit të presidentit, në mënyrë që të përgatitet për zgjedhjen e kryeministrit të ri dhe formimin e qeverisë. Duke mos pranuar vendimin e Aun për dorëheqje, kryeministri Naxhib Mikati tha: "Qeveria do të përmbushë detyrat e saj në fushën e avancimit të punëve sipas kushtetutës". Ai shtoi: Shkarkimi i qeverisë nga Michel Aun është e pavlerë në bazë të kushtetutës dhe qeveria mund të vazhdojë aktivitetet e saj pa vendimin e presidentit. Në fund, Mikati kërkoi nga kryetari i Kuvendit të Libanit, Nabih Berri, që të jetë në dijeni për ecurinë e aktiviteteve të qeverisë. Duhet theksuar se ceremonia e përfundimit të presidencës së Michel Aoun është mbajtur sot në Pallatin Presidencial Libanez në Bejrut. Në këtë ceremoni, Michel Aun i dha lamtumirën zyrtarisht këtij posti në përfundim të mandatit të tij. Presidenti 89-vjeçar i Libanit u largua sot nga ky post ndërsa zëvendësuesi i tij ende nuk është zgjedhur nga parlamenti i vendit.