Avionët luftarakë të ushtrisë irakiane sulmojnë terroristët e ISIS

Avionët luftarakë irakianë F-16 sulmuan selinë e terroristëve të ISIS në Salah al-Din, duke vrarë një numër terroristësh.

Në këtë sulm u vranë të paktën pesë terroristë të ISIS. Organizata e Mobilizimit Popullor të Irakut javën e kaluar njoftoi për një operacion të ri në veri të Mosulit. Sipas njoftimit të Hashd al-Shaabi, forcat e divizionit 59 të shtabit të operacionit Hashd al-Shaabi në provincën Nineveh arritën të vrasin tre terroristë të ISIS-it, duke përfshirë edhe oficerin ushtarak të sektorit "Badush". Kjo ndodh ndërkohë që forcat e Hashd al-Shaabi, ushtria dhe forcat e sigurisë së Irakut filluan një operacion në shkallë të gjerë më datë 17 të muajit të kaluar për të pastruar fshatrat dhe zonat e shkretëtirës së Mosulit nga strehët e ISIS. Të gjitha njësitë nën mbikëqyrjen e Komandës Operative të Ninive në Mobilizimin Popullor, duke përfshirë njësitë e operacionit, zbulimit, dhe inxhinierisë, si dhe brigadat 33 dhe 59, kryen inspektime dhe pastrimin e fshatrave të "Al. -Ebrahimiyeh, "Al-Husseiniyeh", "Al-Mazmalat" dhe "Tal Al-Ryan" në jug të qytetit të Mosulit. Pavarësisht se provinca Nineveh u çlirua nga pushtimi i terroristëve të ISIS-it në qershor të vitit 2017, terroristët janë ende aktivë në malet dhe zonat kufitare të kësaj krahine në formën e bërthamave të vogla.