Ministri i Jashtëm saudit: Jemi gati të rifillojmë marrëdhëniet me Iranin

Ministri i Jashtëm saudit njoftoi se Riadi është i gatshëm të rifillojë marrëdhëniet dhe të mbajë takime me Republikën Islamike të Iranit.

Sipas agjencisë së lajmeve Al-Mayadeen, ministri i Jashtëm saudit Faisal bin Farhan tha: "Mezi pres të takohem me Ministrin e Jashtëm iranian bazuar në marrëveshjet dhe për të rifilluar marrëdhëniet diplomatike mes dy vendeve. Jemi duke u përgatitur për rifillimin e marrëdhënieve diplomatike mes dy vendeve në dy muajt e ardhshëm dhe është e natyrshme që në të ardhmen të kemi udhëtime reciproke, mes dy palëve. Padyshim që përfitimi i dy vendeve dhe rajonit qëndron në aktivizimin e procesit të bashkëpunimit të përbashkët". Ministri i Jashtëm saudit shtoi: "Ne duhet të kërkojmë të përmbushim dëshirat e kombeve tona dhe brezave të ardhshëm dhe të krijojmë një të ardhme më të mirë nën hijen e sigurisë, stabilitetit dhe prosperitetit. Shpresojmë se mund të kemi bashkëpunimin e nevojshëm me palën iraniane në këtë drejtim". Më tej, Faisal bin Farhan shtoi: "Marrëveshja me Iranin u arrit me mbikëqyrjen dhe ndërmjetësimin e Republikës Popullore të Kinës pas disa raundeve bisedimesh në dy vitet e fundit në Irak dhe Oman. Duke e kuptuar rolin dhe përgjegjësinë e saj në promovimin e sigurisë dhe stabilitetit rajonal dhe ndërkombëtar, Mbretëria e Arabisë Saudite vazhdon në rrugën e paqes dhe uljes së tensionit". Në fund, ministri i Jashtëm i Arabisë Saudite theksoi se të tre vendet kanë interesa të përbashkëta në krijimin e një mjedisi rajonal nën sundimin e paqes, sigurisë dhe stabilitetit me qëllim të krijimit dhe zhvillimit të partneriteteve rajonale dhe ndërkombëtare përmes të cilave ato ofrojnë prosperitetin ekonomik të popujve dhe vendeve të rajonit.