Thirrja e Hamasit dhe Xhihadit Islamik për të mbajtur demonstrata zemërimi

Lëvizjet e Hamasit dhe Xhihadit Islamik të Palestinës bënë thirrje për demonstrata zemërimi në vendet arabe dhe islamike.

Sipas rrjetit Al-Mayadeen, lëvizjet Hamas dhe Xhihadi Islamik u bënë thirrje të gjithë njerëzve në vendet arabe dhe islamike që këtë të premte të mbajnë një protestë kundër agresionit të regjimit sionist kundër Gazës.  Lëvizja e Xhihadit Islamik theksoi se plani për të shtypur Gazën është një prelud i aneksimit të Bregut Perëndimor dhe zbatimit të planeve dhe programeve të kabinetit fashist dhe ekstremist të Beniamin Netanjahut. Lëvizja e Xhihadit Islamik deklaroi se e Premtja duhet të jetë dita e zemërimit të njerëzve në të gjitha vendet arabe dhe islame në mënyrë që e gjithë bota të dëgjojë zërin dhe pozicionin e tyre.  Sulmet e regjimit sionist kundër popullit të pambrojtur të Gazës vazhdojnë dhe në këto sulme kanë rënë dëshmorë të paktën 3700 palestinezë, mes të cilëve 1524 fëmijë.  Në përgjigje të krimit të regjimit sionist, të cilin ata e quajtën shembull të brutalitetit të shekullit të 21-të, njerëzit e vendeve të ndryshme islamike dhe arabe dolën në rrugë dhe brohoritën parulla kundër Izraelit dhe treguan zemërimin e tyre duke djegur flamurin e regjimit sionist dhe portretin e Netanjahut.