Sulm mbi bazën e forcave pushtuese amerikane në Siri

Disa burime raportuan pasditen e sotme (të enjte) për një sulm me raketa në bazën e forcave pushtuese amerikane në Dejrul-Zur të Sirisë.

Agjencia e lajmeve IRNA njoftoi se një korrespondent i kanalit televiziv Al-Mayadeen në Siri njoftoi se baza "Al-Shadadi", ku ndodhen forcat ushtarake amerikane në Deirul-Zur të Sirisë, ishte sulmuar me raketa.

Burime të informuara kanë raportuar se brenda kësaj baze janë dëgjuar disa shpërthime pas sulmit të rezistencës islamike të Irakut.

Sipas këtij raporti, pas këtij sulmi, luftëtarët amerikanë patrulluan qiellin e rajonit.

Në ditët e kaluara, bazat ushtarake amerikane në Irak dhe Siri disa herë u vunë në shënjestër të sulmeve me dronë dhe raketa.

Si rezultat i disa sulmeve në bazën ushtarake "Ajn al-Asad" si dhe në fushat e naftës al-Omar dhe al-Shadadi në lindje të provincës Hasake në Siri, janë regjistruar edhe viktima njerëzore në mesin e forcave pushtuese amerikane në disa ditëve të fundit, dhe si rezultat i tre sulmeve me dronë dhe raketa të forcave të Rezistencës Islamike të Irakut në bazën ajrore "Ajn al-Asad", në rajonin "Al-Baghdadi", në rajonin "Hit" në provincën perëndimore të Anbar të Irakut një kontraktor i huaj dhe 2 ushtarë amerikanë u vranë dhe 6 ushtarë të tjerë amerikanë u plagosën.

Pas bombardimit të spitalit Al-Mu'amedani në Gaza nga regjimi sionist, rezistenca islame e Irakut paralajmëroi Amerikën se tani e tutje do të nisë sulmet kundër bazave ushtarake amerikane në Irak.