Komandot sioniste humbasin kontaktin në Rripin e Gazës

Forcat komando të regjimit sionist po përpiqeshin të hynin në Gaza nga aksi Beit Hanoun për në veri të Rripit të Gazës dhe gjithashtu në lindje të Gazës.

Sipas Al-Alam, mëngjesin e sotëm forcat komando të regjimit sionist po tentonin të hynin në disa zona nga aksi Beit Hanoun në veri të Rripit të Gazës dhe gjithashtu në lindje të Gazës. Por kjo përpjekje është përballur me rezistencë të fortë dhe një pritë nga forcat Qassam dhe mes palëve shpërthyen përleshje të ashpra. Disa media hebraike kanë raportuar se forcat speciale sioniste kanë humbur kontaktet me qendrën e tyre komanduese. Gjithashtu janë publikuar disa lajme të pakonfirmuara lidhur me kapjen e një ushtari sionist në këtë sulm. Ndërkohë, forcat ajrore izraelite po kryejnë sulme të rënda në zonat e konfliktit për të mbuluar nga ajri tërheqjen e forcave speciale. Kjo është përpjekja e njëmbëdhjetë e pasuksesshme e forcave speciale sioniste për të depërtuar në Rripin e Gazës. Pas 20 ditësh lufte brutale kundër Rripit të Gazës dhe pavarësisht kërcënimeve të përsëritura, kabineti i Netanjahut ende heziton të kryejë një sulm tokësor për shkak të frikës së viktimave të rënda.