Sionistët bombardojnë edhe 4 xhamive të tjera në Rripin e Gazës
Gjatë orëve të fundit, ushtria barbare sioniste ka bombarduar dhe shkatërruar plotësisht edhe katër xhami të tjera, duke përfshirë xhamitë Khalid, Al-Ikhlas, Al-Mustafa dhe Al-Sahwah në Rripin e Gazës.
Si kundërpërgjigje ndaj më shumë se shtatë dekadave të pushtimit të Palestinës dhe më shumë se dhjetë viteve të rrethimit të hekurt ndaj Rripit të Gazës dhe burgosjeve dhe torturave të mijëra palestinezëve, Lëvizja e Rezistencës Islamike të Palestinës (Hamas) filloi operacionin "Stuhia Al-Aksa" më 7 tetor. Ky operacion konsiderohet si një nga sulmet më vdekjeprurëse kundër këtij regjimi gjakpirës. Luftëtarët e Hamasit depërtuan në territoret e pushtuara në disa pika të gardheve kufitare, sulmuan kolonitë sioniste dhe qendrat ushtarake izraelite dhe përveç se vranë një numër të madh izraelitësh, kapën rob edhe një numër prej tyre.
Sipas njoftimit të së enjtes të mediave palestineze, me shkatërrimin e plotë të këtyre xhamive, numri i përgjithshëm i xhamive që janë shkatërruar plotësisht nga bombardimet sioniste që nga data 7 tetor ka arritur në 60.
Duke shkelur të gjitha ligjet dhe standardet ndërkombëtare dhe të drejtat e njeriut, ushtria sioniste ka sulmuar gjerësisht spitalet dhe qendrat mjekësore, shkollat dhe objektet civile duke bombarduar zona të ndryshme të Rripit të Gazës.
Sipas statistikave të fundit zyrtare të Ministrisë së Shëndetësisë së Palestinës, ky regjim që nga 7 tetori e deri më dje ka vrarë 10.569 qytetarë palestinezë, nga të cilët 4.324 janë fëmijë dhe 2.823 janë gra. Gjatë kësaj periudhe janë plagosur edhe 26.475 persona.
