Ndërpritet puna në spitalin kryesor në Gaza
Gjeneratori kryesor i energjisë elektrike i kompleksit mjekësor al-Shafa në Gaza është ndalur dhe shumë pjesë të këtij spitali janë aktualisht në errësirë.
Drejtori i spitalit al-Shafa në Gaza paralajmëroi për situatën kritike të këtij spitali dhe bëri të ditur se ne duam që bota t'i furnizojë spitalet me karburant para se të jetë tepër vonë. Pas shkëputjes së plotë të energjisë elektrike, sindikata e gazetarëve paralajmëroi për krime të gjera kundër gazetarëve rreth spitalit Al-Shifa. Kanali i lajmeve Al-Jazeera gjithashtu njoftoi shkëputjen komunikimit me gazetarët që ndodhen brenda spitalit Al-Shifa. Khalil al-Daghran, zëdhënësi i Spitalit të Martirëve Al-Aksa në Gaza, gjithashtu ka njoftuar se ushtria sioniste ka ndërprerë të gjitha kanalet e komunikimit ndërmjet spitaleve dhe punonjësve të ndihmës. Më tej ai shtoi se 2 drejtues mjetesh shpëtimi janë arrestuar gjatë aktiviteteve të tyre për dërgimin e të lënduarve në spital, pavarësisht marrëveshjeve të bëra me Kryqin e Kuq. Pushtuesit sionistë parandalojnë hyrjen e mjeteve të ndihmës në zonën Al-Abbas pranë spitalit Al-Shafa dhe lagjes Al-Nasr. Zyrtarët e ndihmës së shpejtë kanë njoftuar se nuk mund të hyjnë në Rripin e Gazës për shkak të intensitetit të sulmeve të ushtrisë izraelite.
