"New York Times": Niveli e trazimit në Izrael është befasuese

Në kohën kur administrata e Shteteve të Bashkuara të Amerikës ka nënshkruar një çek të bardhë për qeverinë e Netanjahu për të kryer krime të gjera në Rripin e Gazës, një analist i lartë demokrat theksoi se "Izraeli është në rrezik asgjësimi dhe nuk do të jetë kurrë ai Izrael i mëparshëm".

Agjencia e lajmeve Fars njoftoi se Thomas Friedman në një artikull në "New York Times" ka shkruar: “Disa ditë para se të shkoja në Tel Aviv, shumë nga miqtë dhe të afërmit e mi më paralajmëruan se pas 7 tetorit, Izraeli nuk do të jetë më i njëjti Izrael. Ata kishin të drejtë. Izraeli është shndërruar një vend ku banorët e tij nuk kanë jetuar kurrë më parë në atë vend".

Ai shtoi: "Izraeli ishte një vend që gjeneralët më parë nuk ishin të detyruar kurrë për ta mbrojtur atë, dhe kishte një aleat të quajtur Amerikë që kurrë më parë nuk ishte detyruar të ndërhynte dhe ta mbronte drejtpërdrejt atë. Pasi udhëtova në Izrael dhe në Bregun Perëndimor, tani e kuptoj pse të gjithë thoshin se kjo sasi e madhe ndryshimi ndodhi pas sulmeve të papritura nga Hamasi. Të jem i sinqertë; është shumë e qartë për mua se Izraeli është tani në një rrezik real shumë më të madh se në çdo kohë tjetër që nga viti 1948. Për tre arsye të rëndësishme".

Ai theksoi: "Së pari, Izraeli kërcënohet nga një sërë armiqsh që kanë kombinuar një botëkuptim të bazuar në besim te Zoti me armët moderne të shekullit të 21-të dhe nuk mund të kategorizohen më si grupe të vogla militante, por secili ka ushtri të reja me brigada, batalione, aftësi kibernetike, raketa me rreze të gjatë, drone dhe mbështetje tekniko-logjistike. Hamasi, Hezbollahu në Liban, grupet e rezistencës islamike në Irak dhe Houthi në Jemen. Këto forca anti-izraelite kanë planifikuar për këtë ditë për një kohë të gjatë dhe tani janë shfaqur të gjitha bashkë dhe po kërcënojnë Izraelin nga të gjitha anët. Qëllimi është të shkatërrohet besimi i izraelitëve dhe të provohet se shërbimet e sigurisë dhe inteligjencës së Tel Avivit nuk mund t'i mbrojnë më ata nga sulmet e befasishme. Nëse kjo vërtetohet plotësisht për banorët e Izraelit, ata fillimisht do të duhet të largohen nga zonat e thella kufitare dhe më pas të largohen plotësisht nga Izraeli. Jam i habitur se sa shumë izraelitë e ndjejnë plotësisht këtë rrezik".

Ai shtoi: "Kërcënimi i dytë është se e vetmja mënyrë e imagjinueshme se si Izraeli mund të fitojë legjitimitetin, burimet, kohën dhe aleatët për të luftuar një luftë kaq të vështirë me kaq shumë armiq është të ketë partnerë të palëkundur jashtë vendit, të udhëhequr nga Shtetet e Bashkuara të Amerikës. Biden ka ndërmarrë hapa për të ndihmuar Izraelin të arrijë qëllimin e tij të menjëhershëm për të përmbysur Hamasin në Rripin e Gazës. Por lufta e Izraelit kundër Hamasit në Rripin e Gazës kërkon luftime urbane dhe shtëpi më shtëpi që do të rezultojë në mijëra viktima civile, duke përfshirë burra, gra dhe fëmijë të pafajshëm. Duhet të pranojmë se shkatërrimi i Hamasit është shumë i vështirë dhe infrastruktura ushtarake e këtij grupi ndodhet në disa kilometra tunele. Nuk duhet pritur që Izraeli të arrijë shpejt qëllimin e tij".

Në fund ai nënvizoi: "Shqetësimi i tretë, dhe ndoshta më i rëndësishëm dhe më i thelli, është kyse  Izraeli ka udhëheqjen më të keqe në historinë e tij, e cila nuk ka vullnet apo aftësi për të ndërmarrë nisma specifike. Më keq se kaq, unë u tmerrova nga mbështetja e padiskutueshme e Netanjahut për bazën e tij të ekstremit të djathtë dhe fajësimi i vazhdueshëm i tij ndaj shërbimeve të sigurisë dhe inteligjencës së Izraelit për luftën. Në mënyrë që të marrë burime, aleatë dhe kohë për Izraelin, Biden duhet të ruajë solidaritetin midis qeverisë dhe popullit të Izraelit, që për fat të keq nuk jemi në këtë rrugë tani".