Vrasje masive dhe gjenocid në spitalin Shafa të Gazës

Drejtori i departamentit të urgjencës mjekësore të spitalit al-Shafa njoftoi se të gjithë pacientët në kujdes të veçantë të këtij spitali vdiqën për shkak të mungesës së madhe të pajisjeve dhe medikamenteve.

Sipas Palestine Today, ndërprerjet e energjisë dhe ujit, mungesa e ushqimit dhe objekteve mjekësore në spitalin Shafa të Gazës kanë shkaktuar një situatë kritike dhe pacientët janë të dënuar të vdesin. Ashraf al-Qadara, zëdhënësi i Ministrisë palestineze të Shëndetësisë, të dielën paralajmëroi: Nëse spitalet në jug të Rripit të Gazës nuk furnizohen me karburant, mjekët pas 48 orësh nuk do të mund të ofrojnë shërbime për pacientët. Ai shtoi: Shumë pacientë kanë ndërruar jetë pasi në këtë spital është ndalur elektromotori. Ai shtoi: Brenda një salle operacioni në errësirë në kompleksin më të madh spitalor të Gazës, stafi në një shtrat trajtoi me dhjetëra foshnja të vogla të lindura para kohe për t'i mbajtur ato të ngrohta dhe të gjalla. Pa një burim oksigjeni ose energjie elektrike për inkubatorët, infermierët u përpoqën të siguronin kujdesin për 39 foshnjat që ishin transferuar në njësinë e kujdesit intensiv të spitalit Shafa nga njësia neonatale. Ashraf al-Qadara gjithashtu tha: Në kompleksin Shafa ka më shumë se 100 kufoma që po kalben. Zëdhënësi i Ministrisë së Shëndetësisë palestineze tha se nga njëra anë regjimi sionist po bombardon qendrat mjekësore dhe nga ana tjetër shërbimet mjekësore të disa spitaleve në rajon janë ndërprerë për shkak se kanë mbetur pa karburant. Ai theksoi: Spitalet në Gaza nuk janë më në gjendje të kryejnë operacione dhe shërbime të tjera mjekësore dhe snajperët sionistë kanë qëlluar drejtpërdrejt ndaj një pacienti. Ministria palestineze e Shëndetësisë në Gaza të dielën njoftoi se që prej 37 ditësh numri i dëshmorëve të sulmit të regjimit sionist në Gaza është rritur në 11,100 dhe më shumë se 27,000 palestinezë u plagosën. Ndërkohë, në një deklaratë, Bashkimi Evropian bëri thirrje për përfundimin e menjëhershëm të konflikteve në Gaza dhe deklaroi se sulmi ndaj spitaleve është kundër ligjit ndërkombëtar dhe se sipas ligjit ndërkombëtar humanitar, spitalet, pajisjet mjekësore dhe civilët brenda spitaleve duhet të jenë mbrojtura. Duke shprehur shqetësimin e tij për krizën humanitare në Rripin e Gazës, kreu i politikës së jashtme të BE-së, Josep Borrell, kërkoi dërgimin e menjëhershëm të pajisjeve mjekësore në spitalet e Gazës dhe evakuimin e sigurt të pacientëve. Sulmi i paprecedentë i regjimit sionist në Rripin e Gazës ka lënë më shumë se 11 mijë dëshmorë dhe 28 mijë të plagosur, shumica e të cilëve janë gra dhe fëmijë. Në përgjigje të veprimeve dhe krimeve të regjimit sionist, lëvizja Hamas pezulloi negociatat në lidhje me të burgosurit izraelitë.