Tanket e regjimit sionist rrethuan një tjetër spital në Gaza
Shoqata e Gjysmëhënës së Kuqe të Palestinës njoftoi rrethimin e spitalit Al-Ahli në Gaza nga tanket e regjimit sionist.
Sipas agjencisë Fars News, Gjysmëhëna e Kuqe Palestineze njoftoi pak çaste më parë se tanket izraelite kanë rrethuar Spitalin Al-Ahli në Rripin e Gazës.
Shoqata e Gjysmëhënës së Kuqe të Palestinës tha në një deklaratë të publikuar në internet se një sulm i dhunshëm është duke u zhvilluar aktualisht në spitalin Al-Ahli në qytetin e Gazës. Kjo shoqatë deklaroi se ekipet e saj nuk janë në gjendje të lëvizin dhe të arrijnë te të plagosurit.
Në krimin e tij të fundit, regjimi sionist sulmoi dje (e mërkurë) spitalin al-Shifa dhe mori në pyetje stafin dhe pacientët e spitalit, pavarësisht kundërshtimeve ndërkombëtare.
Muhamed Abu Salmija, kreu i spitalit Al-Shifa, e cilësoi sot situatën e këtij spitali si katastrofike dhe tha: “Njerëzit në spital po qajnë nga etja”.
Duke vënë në dukje se ushtarët sionistë vazhdojnë të qëllojnë në spital, Abu Salmija theksoi: Askush nuk mund të shkojë nga një ndërtesë në tjetrën. Kemi humbur kontaktet me kolegët tanë.
Duke deklaruar se dronët izraelitë po fluturojnë vazhdimisht mbi spital, ai shtoi: Ushtarët sionistë po patrullojnë nëpër pavione dhe kanë marrë disa trupa të viktimave. Ne kemi varrosur rreth 80 trupa në oborrin e spitalit.
