Jemeni: Marina shënjestroi me raketa anijen tregtare “MSC United”
Zëdhënësi i forcave të armatosura të Jemenit njoftoi se marina jemenase ka shënjestruar me raketa anijen tregtare "MSC UNITED" pasi ajo nuk i ka marrë parasysh paralajmërimet.
Forcat jemenase bombarduan me dronë disa objektiva në Eilat dhe zona të tjera izraelite. Sarei vazhdoi: Forcat Ajrore të Forcave të Armatosura të Jemenit gjithashtu me një numër dronësh kryen operacione ushtarake kundër objektivave ushtarakë në zonën e Umm al-Rasharsh dhe zona të tjera të Palestinës së pushtuar. Zëdhënësi i ushtrisë jemenase theksoi: Forcat e armatosura jemenase theksojnë mbështetjen e tyre të vazhdueshme për popullin palestinez në kuadër të detyrave të tyre fetare, morale dhe humanitare. Forcat e armatosura jemenase vazhdojnë operacionet e tyre në Detin e Kuq kundër anijeve izraelite ose anijeve që shkojnë në portet e Palestinës së pushtuar. Në javët e fundit, paralelisht me intensifikimin e sulmeve të regjimit sionist kundër Gazës, ushtria jemenase ka ngushtuar lëvizjen për anijet izraelite që synojnë të kalojnë përmes ngushticës Bab al-Mandab në Detin e Kuq dhe tashmë ka vënë në shënjestër territoret e regjimit sionist kryesisht rajonin Eilat. 40% e tregtisë ndërkombëtare në botë kryhet përmes kësaj ngushtice, e cila kalon midis Jemenit, në pjesën jugperëndimore të Gadishullit Arabik dhe kontinentit afrikan.
