Demonstrata masive nga jemenasit në mbështetje të popullit të Gazës

Qytete të ndryshme të Jemenit ishin sot skena e demonstratave masive në mbështetje të popullit të Gazës.

Sipas rrjetit informativ Al-Mayadeen, populli i Jemenit mbajti demonstrata në shkallë të gjerë në qytete të ndryshme, përfshirë Sana, kryeqytetin e këtij vendi, në mbështetje të popullit të Gazës nën titullin "Ne jemi me ju deri në fitore dhe Amerika nuk do të na ndalë”.

Duke dënuar veprimet kriminale të regjimit sionist në Gaza, demonstruesit dënuan mbështetjen e Shteteve të Bashkuara për krimet e këtij regjimi. Ata theksuan gjithashtu vazhdimin e protestave popullore në mbështetje të popullit palestinez.

Në deklaratën përfundimtare të kësaj demonstrate u vlerësuan veprimet e forcave të armatosura jemenase në mbështetje të popullit palestinez.

Demonstruesit vlerësuan gjithashtu operacionet heroike të Rezistencës në Palestinë, veçanërisht në Gaza, Libanin e Jugut dhe Irak.

Ata vlerësuan edhe qëndrimet e disa vendeve në kundërshtimin e formimit të një koalicioni detar dhe ndërkombëtar në Detin e Kuq në mbështetje të regjimit sionist.

Populli jemenas dënoi gjithashtu mbështetjen e Amerikës për regjimin sionist dhe dështimin për të ndalur krimet në Gaza.

Ata dënuan gjithashtu heshtjen e qeverive arabe dhe islamike në lidhje me agresionin e regjimit sionist kundër palestinezëve në Gaza.

Jemenasit kërkuan nga kombet arabe dhe islamike dhe të gjithë njerëzit e lirë të botës që të vazhdojnë presionin e tyre kundër regjimit sionist dhe mbështetësve të tij duke mbajtur marshime dhe demonstrata.

Ata gjithashtu u kërkuan vendeve arabe dhe islamike të bojkotojnë mallrat sioniste dhe amerikane.