Lazzarini: Populli i Gazës është subjekt i ndëshkimit kolektiv

Komisioneri i Përgjithshëm i agjencisë së Kombeve të Bashkuara UNRËA paralajmëroi se banorët e Gazës janë subjekt i ndëshkimit kolektiv dhe vetëm sasi të vogla të ndihmave humanitare lejohen të hyjnë në këtë rajon.

Philippe Lazzarini deklaroi se koha po ecën me shpejtësi drejt një katastrofe dhe lufta në Gaza duhet të ndalet menjëherë. Gazetari i Al Jazeera bëri të ditur se numri i dëshmorëve të sulmeve të djeshme të ushtrisë së regjimit sionist në Gaza ka arritur në 39 persona dhe në Khan Yunis ka arritur në 30 persona. Nga ana tjetër, Zyra Shtetërore për Informim e Rripit të Gazës bëri të ditur se numri i dëshmorëve dhe të zhdukurve nga sulmet e ushtrisë së regjimit sionist në këtë rrip ka arritur në 29313 persona. Kjo zyrë qeveritare theksoi se 16.350 nga këta dëshmorë dhe të pagjetur janë gra dhe fëmijë. Zyra Shtetërore për Informim e Palestinës theksoi se ushtria izraelite kreu 6 krime dhe masakra kundër palestinezëve në Rafah në vetëm 3 ditë, të cilat rezultuan me martirizimin e 31 personave. Duke iu referuar mosveprimit të botës ndaj krimeve të sionistëve në këtë zonë, Zyra Shtetërore e Informacionit e Rripit të Gazës theksoi: Gjenocidi masiv ndaj civilëve në Rripin e Gazës është një turp mbi ballin e njerëzimit. Nga ana tjetër, batalionet Qassam njoftuan se me raketa me rreze të shkurtër dhe predha mortajash kanë shënjestruar forcat dhe pajisjet ushtarake të pushtuesit izraelit në lagjen Al-Tuffah në qytetin e Gazës.