Tel Avivi pranon sulmin e rëndë të Hezbollahut kundër bazave sioniste

Në përgjigjen e parë ndaj vrasjes së përfaqësuesit politik të Hamasit, Saleh al-Arouri, Hezbollahu shkatërroi bazën ajrore Miron me 62 raketa, kështu që frika e "luftës në shkallë të gjerë me Libanin" u bë fokusi kryesor i raporteve të mediave izraelite dhe të gjitha analizat përmendën faktin se rezultati i këtij sulmi ishte disfata e fuqisë parandaluese të Tel Avivit".

Zëdhënësi i ushtrisë së regjimit sionist, Daniel Hagari, ka konfirmuar sulmin e rëndë të Hezbollahut në shtabin e sigurisë së ushtrisë në majën e malit Miron. Sipas Al Jazeera, dy ditë pas sulmit të rëndë të forcave të Hezbollahut në bazën më të rëndësishme të kontrollit ajror dhe telekomunikues të regjimit sionist në malin Miron, që ndodhet në veri të territoreve të pushtuara, më në fund “Daniel Hagari”, zëdhënësi i ushtrisë së këtij regjimi, pa përmendur më shumë detaje për këtë sulm të rëndë bëri të ditur se ekspertët e ushtrisë po shqyrtojnë aspekte të ndryshme të sulmit të Hezbollahut në bazën e kontrollit dhe mbrojtjes ajrore Miron. Në përgjigjen e parë ndaj vrasjes së përfaqësuesit politik të Hamasit, "Saleh al-Arouri", Hezbollahu sulmoi bazën ajrore Miron me 62 raketa, kështu që frika e "luftës në shkallë të gjerë me Libanin" u bë fokusi kryesor i raporteve të mediave izraelite dhe të gjitha analizat përmendën faktin se rezultati i këtij sulmi ishte disfata e fuqisë parandaluese të Tel Avivit". Gazeta hebraike Yediot Aharonot e filloi raportimin e saj për sulmin në bazën Miron duke përmendur heshtjen e autoriteteve politike dhe institucioneve ushtarake të Tel Avivit dhe ka shkruar si më poshtë: "Videoja e publikuar nga Hezbollahu tregon se 2 pjesë të bazës janë goditur dhe dëmtuar rëndë. Të hënën në mbrëmje, më 2 janar, ushtria izraelite shënjestroi zyrën që i përkiste lëvizjes Hamas gjatë një sulmi me dron në periferitë jugore të Bejrutit dhe vrau Saleh al-Arouri. Në përgjigje të vrasjes së nënkryetarit të zyrës politike të Hamasit, Hezbollahu i Libanit theksoi se ky krim nuk do të mbetet pa përgjigje. Mediat izraelite theksuan se Sejed Hassan Nasrallah, Sekretari i Përgjithshëm i Hezbollahut, që nga fillimi i luftës ka vendosur si qëllimin që të "sakatoj sistemet izraelite në rajonin verior". Noam Amir, analist i çështjeve ushtarake i Channel 14 të TV Izraelit, tha: “Kapacitetet e Hezbollahut duhet të jenë shumë shqetësuese për ne, veçanërisht pas operacioneve të fundit. Ushtria po mban të fshehtë për sasinë e dëmtimit të sistemeve të informacionit në bazën ajrore Miron, sepse nuk dëshiron t'i japë Nasrallahut asnjë shpjegim për rezultatet e këtij sulmi. Mediat izraelite e cilësuan sulmin e rezistencës islamike libaneze në bazën Miron si “ngritje të nivelit të sulmeve” dhe theksuan se ky sulm është shqetësues për sa i përket sasisë së informacionit që Hezbollahu ka nga lokacione shumë strategjike në Izrael. Në përgjigje të sulmeve të paprecedentë të rezistencës libaneze në një nga dy bazat e rëndësishme të Forcave Ajrore izraelite, shumë komandantë sionistë e vlerësuan këtë sulm si një ngjarje të rrallë. Në përgjigje të sulmeve hakmarrëse të rezistencës, ushtria izraelite shënjestroi jugun e Libanit duke përdorur municione të ndaluara me fosfor të bardhë. Një nga shkëmbimet më të ashpra të zjarrit midis Hezbollahut dhe regjimit sionist ndodhi vetëm një ditë pas fjalimit të Sejed Hassan Nasrallah dhe kërcënimit të tij për hakmarrje për Saleh al-Arourin. Në përgjigje të një kërkese kolektive të banorëve të Palestinës veriore të pushtuar drejtuar ushtrisë izraelite për të sulmuar Libanin, Sekretari i Përgjithshëm i Hezbollahut tha se banorët e Palestinës veriore të pushtuar do të jenë të parët që do të paguajnë çmimin e kësaj lufte të mundshme.