Sulm raketor i Rezistencës Islamike të Irakut në Haifa

Rezistenca Islamike irakiane njoftoi se ka sulmuar një objektiv jetik në Haifa me një raketë crusie të avancuar.

Sipas Mehr; Rezistenca Islamike e Irakut në një deklaratë njoftoi se ka shënjestruar një objektiv jetik në Haifa me një raketë të avancuar cruise me rreze të gjatë të quajtur "Arqab".

Ndërkohë, zëdhënësi i lëvizjes irakiane Hekmat, Hossein Al-Mousavi, të dielën tha: Sulmi ndaj Haifës është një mesazh i qartë për regjimin sionist dhe tregon se boshti i rezistencës nuk heq dorë kurrë nga synimet e tij strategjike në rajon. Al-Mousavi i tha rrjetit Al-Mayadeen se: Rezistenca është në gjendje ta menaxhojë këtë luftë për një kohë të gjatë sepse ka aftësinë për ta bërë këtë. Ai shtoi: Ne kemi synime të qarta, që janë destabilizimi i planeve të Amerikës në rajon dhe bllokimi i përpjekjeve të regjimit sionist në Gaza. Rezistenca Islamike irakiane mori përgjegjësinë për sulmin me raketa në portin Haifa në territoret e pushtuara. Burime të regjimit sionist raportuan gjithashtu se një raketë goditi bregun e Haifës në Palestinën veriore të pushtuar. Pas krimeve dhe sulmeve brutale të regjimit sionist kundër popullit të shtypur të Palestinës, veçanërisht Gazës, dhe mbështetjes së Uashingtonit për këto sulme, grupi i rezistencës irakiane ka paralajmëruar Shtetet e Bashkuara se do të sulmojë bazat e këtij vendi në rajon.