Mbi 200 të vrarë në sulmet izraelite në Gaza

Ministria palestineze e Shëndetësisë tha se mbi 200 njerëz u vranë dhe më shumë se 350 të tjerë u plagosën në agresionin izraelit në Rripin e Gazës në 24 orët e fundit, ndërsa regjimi pushtues sionist vazhdon me luftën e tij gjenocidale kundër banorëve të Gazës.

Ministria e Shëndetësisë në Gaza e bëri njoftimin në një deklaratë në Telegram dhe tha se viktimat u shkaktuan pas sulmeve ajrore izraelite që synonin pjesë të ndryshme të Rripit të Gazës, veçanërisht rajonin Khan Yunis në jug të Gazës.

“Të paktën 215 persona u vranë dhe 354 të tjerë u plagosën në 24 orët e fundit”, tha Ministria e Shëndetësisë në Gaza, duke shtuar se disa trupa të pajetë mbetën nën rrënoja dhe punonjësit e mjekësisë nuk ishin në gjendje t'i merrnin.

Ministria theksoi se shumica e palestinezëve të vrarë ose të plagosur gjatë agresionit të fundit izraelit ishin gra dhe fëmijë.

Khan Younis, qyteti më i madh në jug të Rripit, ka qenë në qendër të sulmeve të fundit të regjimit sionist.

Fushata ushtarake izraelite kundër Gazës ka vrarë më shumë se 25,500 njerëz, shumica prej tyre fëmijë dhe gra. Gjithashtu, mbi 62,000 palestinezë janë plagosur.