Sulm i ri me raketa godet veriun e Palestinës së pushtuar

Lëvizja e Rezistencës Libaneze ka vënë në shënjestër pozicionet e regjimit sionist në Palestinën veriore të pushtuar.

Rrjeti televiziv i Libanit Al Mayadeen raportoi të martën se disa baza sioniste, duke përfshirë "Birket Risha", "Batalion Zarit" dhe "Galileu perëndimor" në veri të Palestinës së pushtuar ishin shënjestruar nga disa raketa nga territori libanez.

Raporti shton se disa raketa janë lëshuar gjithashtu nga Libani drejt zonës "Meskav Am" dhe zonës "Ramim".

Gjithashtu, disa shpërthime kanë ndodhur në vendbanimin sionist “Margaliot” pranë kufirit libanez për shkak të sulmeve të nisura nga territori libanez.

Sipas deklaratës së lëshuar nga Hezbollahu, luftëtarët e Rezistencës Islamike shënjestruan me predha artilerie bazën e pushtuesve sionistë Al-Marj dhe një grumbullim ushtarësh izraelitë në afërsi të saj.

Më herët të martën, Hezbollahu kreu sulme në vendbanimin Margaliot në Palestinën e pushtuar.

Hezbollahu tha në një deklaratë se kishte shënjestruar kazermat Ramim të kontrolluara nga Izraeli me dy raketa Burkan.

Kjo kazermë ishte shënjestruar drejtpërdrejt nga një raketë e Hezbollahut dhe regjimi sionist pësoi viktima në këtë sulm, shtoi deklarata.