Sulm ndaj një anije angleze në Detin e Kuq

Një anije angleze është sulmuar në ngushticën Bab al-Mandab në Detin e Kuq.

Sipas IRNA, ushtria jemenase mori përgjegjësinë për sulmin ndaj një cisterne nafte në Detin e Kuq. Ushtria jemenase tha se anija ishte britanike, por ushtria amerikane më vonë tha se ishte daneze. Organizata Britanike e Tregtisë Detare (MBI) konfirmoi sulmin dhe tha se cisterna e naftës u dëmtua lehtë në një sulm me raketa në veriperëndim të portit Mokha në Jemen. Komanda Qendrore e forcave të Shteteve të Bashkuara në Azinë Perëndimore e njohur si “CENTCOM” pretendoi se kishte shënjestruar 5 objektiva në Jemen, i cili është nën kontrollin e lëvizjes jemenase Ansarullah. Komanda Qendrore e SHBA-së konfirmoi se katër raketa balistike kundër anijeve u hodhën nga zonat e kontrolluara nga Houthi në Jemen dhe të paktën tre nga këto raketa goditën anijen Pollux me flamur panamez, të regjistruar në Danimarkë. Jemeni ka njoftuar se për të mbështetur popullin dhe rezistencën palestineze, nuk do të lejojë që anijet sioniste apo ato anijet destinacioni i të cilave janë portet e tokave të pushtuara, të kalojnë nëpër Detin Arabik dhe Detin e Kuq.