Hezbollahu kryen sulme të reja kundër objekteve ushtarake izraelite

Luftëtarët e lëvizjes së rezistencës libaneze Hezbollah kanë kryer sulme kundër pozicioneve ushtarake izraelite, duke demonstruar solidaritetin e tyre me palestinezët në Rripin e rrethuar të Gazës.

Rrjeti televiziv i lajmeve al-Mayadeen i Libanit, duke cituar një deklaratë të Hezbollahut, raportoi se grupi libanez përdori të shtunën dy raketa të kalibrit të rëndë Burkan (Vullkan) për të shënjestruar me saktësi një vend grumbullimi të trupave izraelite në Kodrën Kobra në sektorin verior të izraelit.

Më vonë ky burim tha se forcat e Hezbollahut  shënjestruan drejtpërsëdrejti ushtarët izraelitë në afërsi të postës ushtarake Dhayra.

Grupi i rezistencës së Libanit goditi gjithashtu postin Ramya me një numër raketash.

Aeroplanët luftarakë izraelitë, ndërkohë, bombarduan një shtëpi në qytetin kufitar të Libanit jugor Blida, sipas burimeve lokale.

Granatimet e artilerisë izraelite goditën gjithashtu qytetin kufitar jugor Kfarkela, pa raportime për viktima të mundshme.