Hezbollahu ndërmerr sulme të shumta ndaj vendeve strategjike izraelite

Lëvizja libaneze e rezistencës Hezbollah ka shënjestruar me sulme të shumta me dronë dhe raketa vendet strategjike ushtarake të regjimit izraelit në veri të territoreve të pushtuara në mbështetje të palestinezëve në Rripin e Gazës.

Hezbollah njoftoi në deklarata të veçanta të hënën se nisi një operacion ajror me katër dronë sulmues në selinë e forcave ajrore dhe raketore të Izraelit në kazermat Kila në lartësitë e pushtuara të Golanit, duke goditur saktësisht objektivat.

Lëvizja e rezistencës libaneze shënjestroi gjithashtu me predha artilerie një grumbullim të forcave pushtuese izraelite rreth zonës Rahib në veri të territoreve të pushtuara palestineze.

Hezbollahu gjithashtu nisi një sulm me armë të përshtatshme ndaj një vendtubimi të ushtarëve sionistë në kodrën al-Tajhat, duke realizuar një goditje të drejtpërdrejtë.

Hezbollahu nënvizoi se sulmet hakmarrëse ndaj objekteve izraelite ishin "në mbështetje të popullit të palëkundur palestinez në Rripin e Gazës dhe në mbështetje të rezistencës së tyre të guximshme dhe të ndershme, dhe të luftëtarëve të Rezistencës Islamike".

Sipas raportimeve, sirenat e alarmit u dëgjuan nëpër vendbanime të shumta ilegale në veri të territoreve të pushtuara.