Batalionet Al-Kassam sulmuan sionistët në Rafah

Batalionet Al-Kassam sulmuan ushtarët sionistë në Rafah dhe plagosën ose vranë disa njerëz.

Sipas raportit të Al Jazeera të premten, batalionet Ezzeddin al-Kassam të krahut ushtarak të Hamasit njoftuan se pasi kishin vënë në shënjestër një ndërtesë pranë xhamisë Al-Dawa që ndodhet në lindje të Rafahut, të gjithë ushtarët sionistë që ishin strehuar atje i vranë dhe i plagosën. Në deklaratën e Batalioneve Al-Kassam thuhet gjithashtu se luftëtarët e këtij batalioni shkatërruan dy tanke sioniste në zonën Saad Sayel në lindje të Rafahut me raketa Eliasin 105 dhe armë të tjera. Luftëtarët e këtij batalioni kanë shënjestruar sot me raketa dhe mortaja edhe bazën sioniste Karam Abu Salem në lindje të Rafahut. Disa orë më parë, burime sioniste bënë të ditur se dy incidente të rënda kanë ndodhur për ushtrinë e këtij regjimi në Rafah, ku mbetën të vrarë katër ushtarë sionistë dhe një tjetër u plagos rëndë, gjendja e të cilit raportohet të jetë shumë e rëndë. Kabineti i luftës i regjimit sionist miratoi të hënën (6 maj) sulmin tokësor në qytetin Rafah, që ndodhet në jug të Rripit të Gazës, pavarësisht kundërshtimeve ndërkombëtare, dhe ushtria e këtij regjimi pushtoi pjesën palestineze të kalimit në Rafah në lindje të këtij qyteti që nga e marta. Lëvizja e rezistencës Hamas theksoi gjithashtu në një deklaratë se përgatitja e ushtrisë sioniste për të sulmuar Rafahun tregon këmbënguljen e kryeministrit Benjamin Netanjahu për vazhdimin e gjenocidit, por Izraeli duhet ta dijë se sulmi në Rafah nuk do të jetë kurrë argëtues për këtë pushtues dhe se rezistenca është gati të mbrojë kombin dhe do të shkatërrojë  armikun dhe do të mposhtë planet dhe qëllimet e tij.