Ish-zëvendësshefi i Mossadit: "Izraeli po humb luftën në Gaza"

Një ish-anëtar i agjencisë izraelite të spiunazhit e ka përshkruar si "të kotë" luftën e vazhdueshme të regjimit sionist në Rripin e Gazës, duke theksuar se Tel Avivi është në prag të humbjes.

Ram Ben-Barak, një anëtar i parlamentit izraelit që shërbeu si zëvendësdrejtor i Mossadit, i bëri komentet të shtunën në një intervistë me radion publike izraelite.

“Kësaj lufte i mungon një objektiv i qartë dhe është e qartë se ne po e humbim pa mëdyshje atë”, tha Ben-Barak.

“Ne jemi të detyruar të përfshihemi në luftime në të njëjtat zona dhe të përfundojmë duke humbur më shumë ushtarë. Ne po përballemi gjithashtu me pengesa në skenën ndërkombëtare, marrëdhëniet tona me SHBA-në po përkeqësohen ndjeshëm dhe ekonomia izraelite në rënie”, tha ai.

"Më tregoni një gjë në të cilën kemi pasur sukses," shtoi Ben-Barak.

Komentet e tij erdhën pasi Brigadat al-Kasam, krahu ushtarak i lëvizjes palestineze Hamas, tha se ata kanë vrarë 15 ushtarë izraelitë në lindje të qytetit më jugor të Gazës, Rafah, më herët gjatë ditës.

Sipas zëdhënësit të Brigadave Al-Kasam, Abu Obeida, në 10 ditët e fundit, luftëtarët palestinezë kanë shënjestruar 100 automjete ushtarake izraelite, duke përfshirë tanke, transportues të blinduar si dhe buldozerë. Ata u kanë shkaktuar viktima të shumta ushtarëve izraelitë duke hedhur në erë tunele, duke lëshuar raketa dhe mortaja, si dhe përmes snajperëve dhe luftimeve nga afër.