Sionistët po largohen nga Palestina e pushtuar

Sipas statistikave zyrtare të publikuara nga gazeta izraelite Yedioth Ahronoth, numri i kolonëve që largohen nga Palestina e pushtuar është rritur për shkak të kërcënimeve në rritje, luftës së vazhdueshme në Gaza, rënies së standardeve të jetesës dhe përshkallëzimit të tensioneve të brendshme.

Sipas informacioneve të disponueshme – të cilat nuk janë konfirmuar nga Tel Avivi – numri i kolonëve sionistë që janë larguar nga territoret e pushtuara që nga fillimi i luftës në Gaza ka arritur në një milion njerëz.

Yedioth Ahnoroth, duke cituar Byronë Qendrore të Statistikave të Izraelit, shkruan se numri i migrimeve të kundërta arriti në më shumë se 20% krahasuar me një vit më parë.

Mediat hebraike thanë se në gjashtë muajt e parë të luftës, gjysmë milioni njerëz u larguan nga Izraeli. Në të njëjtën kohë, emigracioni në Palestinën e pushtuar ka arritur nivelin më të ulët në krahasim me ditët e paraluftës, me rreth 2500 emigrantë në muaj.

Rezultatet e sondazheve të kolonëve kanë treguar se rreth 40% e sionistëve po shqyrtojnë migrimin e kundërt dhe shpesh përmendin faktorë të tillë si përkeqësimi i kushteve të jetesës, pabarazia dhe dëshpërimi për dështimin e negociatave të kompromisit me palestinezët. Sipas statistikave të regjimit izraelit, që nga fillimi i vitit 2021, rreth 720,000 kolonë sionistë janë larguar nga Palestina e pushtuar.