Hezbollahu pengon tentativën izraelite për infiltrim në Libanin jugor

Lëvizja libaneze e rezistencës Hezbollah tha se një përpjekje për infiltrim nga një grup forcash izraelite në Libanin jugor ka dështuar.

Lëvizja njoftoi të hënën se luftëtarët e Hezbollahut qëlluan me raketa dhe mortaja ndaj ushtarëve izraelitë, duke i detyruar ata të tërhiqen.

“Me vëzhgimin e infiltrimit të një grupi ushtarësh izraelitë në pyllin Hadab Aita, luftëtarët e Rezistencës Islamike u përballën me ta duke i goditur me raketa dhe predha artilerie dhe i detyruan ata të tërhiqen”, thuhet në deklaratë.

Disa ushtarë izraelitë u vranë dhe u plagosën, tha Hezbollah, pa dhënë detaje të mëtejshme.

Të hënën, lëvizja e rezistencës libaneze nisi sulme me dronë në disa lokacione në rajonet veriore të territoreve të pushtuara nga Izraeli. Sulmet thuhet se kanë shkaktuar viktima.

Hezbollah ndërmori edhe një tjetër sulm në bazën Al Radar, duke shkatërruar plotësisht pajisjet spiune të objektit.

Mediat sioniste gjithashtu raportuan sot se dronët e Hezbollahut kryen një sulm kundër një ndërtese ku ishin mbledhur ushtarët e regjimit izraelit duke shkaktuar viktima.