Martirizohen 35 palestinezë në sulmet e regjimit sionist në Gaza

35 persona kanë rënë dëshmorë në sulmet ajrore të regjimit sionist në zonat veriore dhe jugore të Rripit të Gazës.

Sipas IRNA nga agjencia e lajmeve Sama e Palestinës, avionët e regjimit sionist në orët e fundit bombarduan disa zona në qytetin e Gazës dhe në Rafah që ndodhen në jug të Gazës. Gjysmëhëna e Kuqe Palestineze njoftoi dje se 7 palestinezë u plagosën në sulmin e kolonëve okupues sionistë në shkollën al-Marajat pranë Jerikos. Ushtria okupuese sioniste gjithashtu bombardoi një shtëpi në kampin Nusirat në qendër të Rripit të Gazës, ku u vranë 10 palestinezë dhe u plagosën shumë të tjerë. Organizata Botërore e Shëndetësisë gjithashtu njoftoi se numri i invalidëve në Rripin e Gazës si rezultat i luftës dhe gjenocidit të regjimit sionist është midis 3105 dhe 4050 raste. Ministria e Shëndetësisë e Palestinës në statistikat e fundit ka njoftuar se që nga 7 tetori 2023, në Rripin e Gazës janë martirizuar 41.226 qytetarë palestinezë.