Hezbollahu zbulon specifikat e raketave ‘Kader 2’ dhe ‘Nasr 1’
Lëvizja e rezistencës libaneze, Hezbollah, ka publikuar pamjet që shpjegojnë detajet e raketave të saj të sapopërdorura, duke përfshirë "Kader 2" dhe "Nasr 1".
Hezbollahu i Libanit publikoi një video të mërkurën duke thënë se raketa “Kader 2”, e cila së fundmi goditi Tel Avivin, është një raketë balistike tokë-tokë me precizion të lartë.
Sipas videos, raketa “Kader 2” është projektuar nga luftëtarët e Hezbollahut dhe ka aftësinë të shënjestrojë me saktësi pozicionet jetike.
Hezbollahu shtoi se raketat “Kader 2” kanë një nivel të lartë të fuqisë shkatërruese.
Rezistenca Islamike Libaneze njoftoi se kjo raketë ka një rreze veprimi prej 250 kilometrash, mbushje eksplozivi 405 kilogramë dhe një kalibër 620 milimetra.
Për më tepër, Hezbollah raportoi se raketa “Kader 2” u përdor për herë të parë më 4 tetor 2024.
Në një video tjetër, Hezbollah njoftoi zhvillimin e raketës "Nasr 1", një raketë e drejtuar precize tokë-tokë e krijuar për të sulmuar infrastrukturën kritike me saktësi të lartë.
Rezistenca Islamike Libaneze zbuloi se "Nasr-1" ka një rreze veprimi prej 100 kilometrash, mbushje eksplozivi prej 100 kilogramë dhe një kalibër 302 milimetra.
Raketa ka manovrim të lartë për të shmangur sistemet e mbrojtjes ajrore dhe u vu zyrtarisht në shërbim më 14 tetor 2024.
