Cilët baza dhe fabrika ushtarake të Izraelit ka goditur Hezbullahu?

ParsToday- Hezbollahu i Libanit ka goditur kazermat ushtarake, një fabrikë të prodhimit të eksplozivëve dhe një grumbullim ushtarësh sionistë gjatë tre operacioneve të veçanta.

Hezbollahu i Libanit njoftoi në një deklaratë të martën se luftëtarët e rezistencës islamike në mbështetje të popullit palestinez dhe libanez, shënjestruan me raketa fabrikën e prodhimit të eksplozivëve në zonën "Al-Khudira" në jug të qytetit të pushtuar Haifa.

Sipas ParsToday, Hezbollahu i Libanit gjuajti gjithashtu raketa në bazën e kontrollit ajror "Miron" dhe kazermat Ma'aliyah Golani (selia e Brigadës 810 Hermon) të regjimit sionist në veri të Palestinës së pushtuar.

Pas sulmeve me raketa në kazermën Ma'aliyah Golani dhe bazën e kontrollit ajror Miron nga luftëtarët e Hezbollahut, sirenat e alarmit janë ngritur në Galilenë Perëndimore.

Luftëtarët e rezistencës islame të Libanit shënjestruan me raketa edhe grumbullimin e ushtarëve sionistë në vendndodhjen ushtarake Ramtha në kodrat e pushtuara Kafr Shobai.

Që nga mëngjesi i së hënës, më 23 shtator, ushtria izraelite ka nisur sulme masive në zona të ndryshme të Libanit jugor, të cilat janë ende në vazhdim. Ndryshe nga vënia në shënjestër e popullatës civile nga ana e regjimit pushtues sionist, Hezbollahu i Libanit ka kryer operacione vetëm kundër pozicioneve ushtarake dhe vendbanimeve sioniste në veri të territoreve të pushtuara nga Izraeli dhe duke lëshuar qindra raketa, po synon pozicionet e regjimit sionist.