Mbërrin kolona e re ushtarake amerikane në Siri
Autokolona ushtarake amerikane, duke përfshirë 55 kamionë që transportonin pajisje dhe mbështetje ushtarake, hyri në Siri nga kalimi kufitar "Al-Walid" në Irak.
Autokolona ushtarake amerikane mban karburant, automjete të blinduara dhe kuti të mëdha, të cilat janë dërguar në kuadër të forcimit të aftësive ushtarake dhe sigurisë së bazave amerikane në periferi të rajoneve Al-Hasakah dhe Rakka, në verilindje të Sirisë.
Një aeroplan amerikan mallrash që mbante pajisje dhe mbështetje ushtarake si dhe ushtarë amerikanë u ul gjithashtu në bazën "Kharab Al-Xhir" në Rif Rmeilan, në veri të qytetit al-Hasakah.
Sipas këtij raporti, një autokolonë e madhe prej mbi 50 kamionësh me pajisje ushtarake dhe logjistike është dërguar në bazat "Kharab Al-Xhir" dhe "Tal Beidar" në periferi të qytetit al-Hasakah, të cilat janë zona nën kontrollin e forcave SDF të mbështetura nga Uashingtoni.
