Hamasi: Izraeli dështoi në Gaza, u detyrua të tërhiqej

Lëvizja e rezistencës palestineze Hamas deklaroi se e ka detyruar regjimin izraelit të tërhiqet nga Gaza përpara një marrëveshjeje armëpushimi që do të fillojë të dielën.

Në një deklaratë të shtunën, Hamasi tha se Izraeli ka dështuar të arrijë qëllimet e tij agresive në Gaza dhe vetëm ka kryer krime lufte që janë një turp për njerëzimin.

Rezistenca ka shpartalluar arrogancën e Izraelit gjatë luftës gjenocidale 15-mujore, e cila ka lënë të vdekur afro 47,000 palestinezë, shtoi Hamas.

Grupi palestinez, i cili nisi një sulm të befasishëm ndaj entitetit pushtues më 7 tetor 2023, tha se e ka detyruar okupatorin të ndalojë agresionin pavarësisht përpjekjeve të kryeministrit izraelit Benjamin Netanyahu për të zgjatur luftën.

Në këtë deklaratë Hamasi theksoi se populli palestinez tani është më afër fundit të pushtimit, çlirimit dhe kthimit në tokën e tij.

Kabineti i Netanyahut miratoi marrëveshjen me Hamasin, të ndërmjetësuar nga Katari dhe Egjipti, për një armëpushim dhe lirimin e të burgosurve në Rripin e Gazës, tha të shtunën zyra e tij.