Lirohen 183 të burgosur palestinezë

Zyra e Informacionit për Çështjet e të Burgosurve Palestinezë njoftoi të premten në mbrëmje se regjimi sionist do të lirojë 183 të burgosur palestinezë në fazën e katërt të shkëmbimit, në kuadër të marrëveshjes ndërmjet Hamasit dhe Izraelit.

Sipas agjencisë iraniane të lajmeve IRNA, duke cituar rrjetin Al-Jazeera të Katarit, sipas këtij raporti, në mesin e këtyre personave, 111 të burgosur janë nga Rripi i Gazës, të cilët ishin arrestuar pas 7 tetorit.

Lajmin e bëri të ditur edhe Radioja e Ushtrisë së regjimit sionist, duke shtuar se ky regjim do të lirojë sot, të shtunën, 183 të burgosur palestinezë në këmbim të lirimit të tre të burgosurve izraelitë nga Gaza.

Sipas këtij raporti, 150 të burgosur do të kthehen në Rripin e Gazës, ndër të cilët shtatë kanë qenë të dënuar me burgim të përjetshëm dhe është planifikuar të internohen jashtë Gazës. Të liruarit e tjerë janë banorë të Gazës, të cilët u arrestuan pas sulmit tokësor të ushtrisë së regjimit sionist në këtë zonë pas ngjarjeve të 7 tetorit.

32 të burgosur palestinezë gjithashtu do të transferohen në Bregun Perëndimor pas lirimit të tyre. Po ashtu, një i burgosur egjiptian do të kthehet nesër në vendin e tij.

Në mesin e të burgosurve palestinezë që do të lirohen në këtë fazë është Shadi Amouri, një nga projektuesit e shpërthimit të makinës me bombë në kryqëzimin Megigdo në vitin 2002, i cili vrau 17 izraelitë.

Më herët, zëdhënësi i Batalioneve Al-Kassam, krahu ushtarak i Lëvizjes së Rezistencës Islamike Palestineze (Hamas), njoftoi të premten se "tre të burgosur të tjerë sionistë do të lirohen nesër".

Abu Obaydeh tha: "Në kuadër të marrëveshjes 'Stuhia Al-Aksa', Batalionet Al-Kassam vendosën të lirojnë të shtunën tre të burgosur të tjerë sionistë, të quajtur Ofer Calderon, Keith Siegel dhe Yarden Bibas".