A mund ta mohojë regjimi sionist fuqinë shkatërruese të raketave iraniane?

Pars Today - Raportet tregojnë se Irani, gjatë një pjese të luftës 12-ditore me regjimin sionist përdori armë të cilat shkaktuan një vëllim shumë të lartë shkatërrimesh, të barabartë me hapjen e një rruge të gjatë dhe të gjerë në territoret e pushtuara.

Lufta 12-ditore midis regjimit sionist dhe Iranit përmban një pjesë të panjohur dhe të pakraportuar, veçanërisht në media, e cila u injorua, të paktën në zhurmën e luftës dhe operacioneve psikologjike dhe mediatike perëndimore dhe polemikës propagandistike të presidentit Donald Trump.

Sipas Pars Today, duke cituar Agjencinë e Lajmeve Fars, regjimi sionist, me censurë të gjerë, u përpoq që në fillimi që fuqia ushtarake e Iranit të mos shfaqej në hapësirën mediatike. Edhe pas luftës, një pjesë e shkatërrimit në territoret e pushtuara u ekspozua me qëllim stigmatizimi, por prania e zyrtarëve evropianë dhe gjermanë në këto rrënoja tregoi nivelin e shkatërrimit të shkaktuar nga raketat iraniane.

Pavarësisht të gjitha këtyre mbulimeve, regjimi sionist dhe Perëndimi nuk mund ta injorojnë fuqinë shkatërruese të raketave iraniane. Regjimi sionist, në veçanti, e di qartë se me çfarë lloj armësh ka të bëjë.

Gjatë luftës 12-ditore midis aleancës SHBA-Izrael kundër Iranit, u përdorën lloje të ndryshme raketash iraniane, por rrëfimet dhe imazhet tregojnë se disa nga raketat kishin një fuqi të lartë shkatërruese, deri në pikën e krijimit të një rruge të gjatë dhe të gjerë dhe shkaktimit të shkatërrimit të përhapur.

Raporte të ndryshme nga burime hebreje tregojnë vëllimin e lartë të shkatërrimit të shkaktuar nga raketat iraniane, gjë që ka shkaktuar habi dhe mahnitje tek mediat dhe ushtria sioniste.

Në lidhje me shkallën e këtij shkatërrimi, një zyrtar i lartë ushtarak izraelit deklaroi: "Zhurma e shpërthimit ishte shumë afër, kështu që mund të thuhej se raketa goditi në një distancë prej 300 metrash nga ne, dhe pasi dolëm nga streha, kuptuam shkallën e dëmit dhe shkatërrimit. Mjaftoi të largohesha nga streha për të parë shkallën e dëmit; gjithçka ishte shkatërruar."

Në këtë drejtim, gazeta Haaretz shkroi: "Dëmi u shtri për qindra metra; qindra - madje mijëra - apartamente u prekën. Disa pësuan dëme të rënda me mure dhe ndarje prej suvaje allçie që u shembën; disa të tjera panë dëme vetëm në dritare, korniza dyersh dhe mobilje të thyera."

Haaretz raportoi: "Disa nga raketat balistike që ranë në rrugët izraelite dëmtuan një zonë të gjerë ndërtesash përreth thjesht për shkak të dridhjeve të shkaktuara nga impakti."

Gjithashtu, gazeta "Al-Watan" raportoi: "Dëmi i shkaktuar nga raketat balistike iraniane në Izrael është shumë më i lartë se sa është raportuar zyrtarisht."

Gazeta shtoi: "Autoritetet izraelite kanë kufizuar publikimin e të dhënave mbi goditjet me raketa për arsye sigurie, për të parandaluar Iranin të marrë informacion mbi targetet dhe për të ruajtur moralin e përgjithshëm të kolonëve, pasi çdo sulm me raketa shkakton panik të vërtetë."

Këto raporte tregojnë një pjesë të përgjigjes praktike dhe shkatërruese të Iranit ndaj regjimit sionist, sulme që janë përdorur në një mënyrë të kufizuar sipas ekuacioneve të Luftës 12-Ditore, por kanë diktuar fuqinë dhe aftësinë ushtarake të Iranit ndaj armikut, një temë që në luftëra të tjera mund të përdoren më shumë raketa përsa i  përket shifrave, sepse zyrtarët ushtarakë iranianë kanë njoftuar se ekuacionet e luftës së ardhshme do të jenë shumë të ndryshme nga Lufta 12-Ditore dhe se përgjigja e Iranit në të ardhmen do të jetë një përgjigje dërrmuese dhe shkatërruese.