Irani dhe Rusia kërkojnë fillimin e negociatave mes palëve siriane

Ministria e Jashtme e Rusisë deklaroi se Teherani dhe Moska kërkojnë fillimin sa më shpejt të negociatave në Gjenevë për zgjidhjen paqësore të krizës në Siri.

Kjo ministri, pas takimit të zv/ministrave të Jashtëm të Iranit dhe Rusisë, përkatësisht Husein Xhaberi Ansari dhe Mikail Bogdanov, deklaroi se funksionarët e Iranit dhe Rusisë dëshirojnë që marrëveshja e armëpushimit në Siri të shoqërohet nga negociatat për gjetjen e një rrugëzgjidhje politike për krizën siriane. Ministria e Jashtme e Rusisë deklaroi se Bogdanov dhe Xhaberi Ansari shprehën kënaqësinë për faktin se qeveria siriane e ka respektuar me përpikmëri marrëveshjen e armëpushimit dhe kërkuan që edhe pala tjetër të respektojë armëpushimin dhe të lejojë kalimin e ndihmave humanitare për popullsinë siriane.