Mbreti i Arabisë Saudite arriti në Doha

Mbreti i Arabisë Saudite i cili këtë javë filloi turneun e tij në katër vende arabe të Gjirit Persik, sot arriti në Doha, kryeqytetin e Katarit.

Agjencia e lajmeve Fars njoftoi se Selman bin Abdulaziz, mbreti i Arabisë Saudite, në destinacionin e tij të dytë gjatë turneut në vendet arabe të Gjirit Persik, sot arriti në Doha, kryeqytetin e Katarit. Ai të shtunën ka vizituar Emiratet e Bashkuara Arabe dhe ka zhvilluar takime dhe bisedime me funksionarët e lartë të këtij vendi. Mbreti saudit pas Katarit, do të shkojë në Bahrejn dhe do të marrë pjesë në takimin e Këshillit për Bashkëpunim të Gjirit Persik. Ai të enjten do të vizitojë edhe Kuvajtin.