Dështojnë planet e takfiristëve në Siri dhe Irak

Anëtari i Këshillit qendror të Hezbullahut të Libanit, deklaroi se planet e takfiristëve në Siri dhe Irak kanë dështuar dhe fitoret në Alepo, Palmira dhe Mosul e kanë shtuar forcën e boshtit të rezistencës në rajon.

Siç njofton agjencia shtetërore libaneze e lajmeve, Shejh Nabil Kavuk, anëtar i Këshillit qendror të Hezbullahut të Libanit, deklaroi se forcat e rezistencës në bashkëpunim me ushtrinë libaneze kanë arritur të ndalin futjen e terroristëve të ISIS në Liban dhe të parandalojnë shfrytëzimin e krizës siriane nga Izraeli për të dëmtuar Libanin. Ai tha se kërcënimet e funksionarëve izraelitë nuk e frikësojnë popullin libanez dhe shtoi se edhe vetë izraelitët nuk u besojnë deklaratave të funksionarëve të Tel Avivit, ndërsa deklaratat e kreut të rezistencës libaneze Sejed Hasan Nasrullah kanë më shumë ndikim.