Lavrov: Operacionet turke në veri të Sirisë kanë përfunduar

Ministri i Jashtëm rus tha se operacionet ushtarake turke në veri të Sirisë, të quajtura "Burimi i paqes", përfunduan me marrëveshjen midis Moskës dhe Ankarasë.

Agjensia e lajmeve RIA Novosti e Rusisë njoftoi: "E gjitha varet nga tërheqja e forcave kurde," u tha Sergei Lavrov gazetarëve në Soçi të martën në mbrëmje. Qeveria siriane do të vendosë forcat në 15 pika kontrolli përgjatë kufirit me Turqinë, raporton Interfax duke cituar një burim nga Ministria e Mbrojtjes ruse. Zhvendosja në këto pozicione është parashikuar në një marrëveshje të arritur mbrëmë midis Rusisë dhe Turqisë. Sipas raportimeve, forcat siriane dhe ruse janë vendosur në veri-lindje të Sirisë për të monitoruar tërheqjen e luftëtarëve kurdë dhe heqjen e armëve të tyre nga kufiri me Turqinë, raporton Reuters.