Siri: Turqia bombardoi një kolonë të automjeteve të blinduara amerikane!

A ishte pa dashje? Mund të jetë e mundur. Mbetet fakti që Turqia krejtësisht e pafuqishme e Erdoganit po qëllon në gjithçka që lëviz! Arsyeja? Bllokimi është total në Idlib dhe Erdogan është i humburi kryesor nëse e humbet atë ...

Artileria turke sulmoi një kolonë të ushtrisë amerikane, në të cilën u dëmtuan disa automjete të blinduara amerikane, ndërsa artileria turke gjuajti pa paralajmërim, dhe " vetëm mrekullisht ishte e mundur të shmangen viktima midis personelit të ushtrisë amerikane”, sipas një prej ushtarëve amerikanë të kolonës. "Komandanti ynë tha se trupat amerikane do të vendoseshin në një nga vendet e sulmuara dhe se ne do të demonstronim  praninë tonë për të parandaluar sulme të mëtejshme ndaj forcave tona," tha kapiteni Quatter, 29 vjeç. Misioni i forcave amerikane në Siri është tani më kompleks dhe mbase më i rrezikshëm. Ky ushtarak amerikan tha se megjithëse forcat amerikane janë duke bërë të gjitha llojet e gjërave në Siri, "misioni ynë kryesor është të sigurojmë sigurinë për infrastrukturën e naftës në dobi të partnerëve tanë". Ekspertët thonë se nëse ushtria turke ka shkatërruar në mënyrë efektive kolonën ushtarake amerikane, atëherë, ka shumë të ngjarë që përleshje serioze ushtarake mund të ndodhin në të ardhmen e afërt midis Ankarasë dhe Uashingtonit në Siri. Ushtria turke filloi Operacionin "Burimi i Paqes" në 9 tetor 2019 në veri të Sirisë me pretekstin e luftimit të terrorizmit dhe zgjidhjes së problemit të refugjatëve, me dritën e gjelbër nga Shtetet e Bashkuara, që tërhoqën ushtarët e tyre nga zonat veriore të Sirisë më 6 tetor, tre ditë para fillimit të operacionit turk. Tërheqja amerikane pa dyshim që lehtësoi pushtimin turk të veriut sirian, por ka diskredituar në të njëjtën kohë, Uashingtonin në sytë e partnerëve kurdë të Shteteve të Bashkuara, aq më tepër që kur Presidenti Donald Trump ka njoftuar në mënyrë të qartë se nëse ai vendosi të mbante një pjesë të trupave amerikane në Siri, kjo ishte vetëm për të mbajtur nën kontroll burimet e naftës të këtij vendi. Qëllimi kryesor i Ankarasë ishte të ngjallte një valë emocionesh nacionaliste për të mbuluar dështimet e brendshme të partisë në pushtet. Sidoqoftë, përkundër të gjitha llogaritjeve të gjeneralëve turq, Operacioni "Burimi i Paqes" krijoi një situatë të paqëndrueshmërisë totale në veri të Sirisë, situatë e cila shpejt e shndërroi operacionin turk në një tmerr të vërtetë për ushtrinë turke, dhe për më tepër që Turqia nuk ka arritur të përmbushë premtimet e saj fillestare:

- Një numër shumë i lartë i ushtarëve turq humbën jetën gjatë operacionit "Burimi i Paqes";

- Ankaraja nuk arriti të zbatojë planin e saj të zonës tampon 32 km të gjerë brenda territorit sirian;

- Ushtria turke u ekspozua ndaj akuzave të shumta për krime lufte kundër popullatës civile;

- Premtimi për të vendosur gati katër milion refugjatë sirianë në zona të ndryshme të veriut të Sirisë nuk është përmbushur, ndërsa në kundërshtim me premtimet e Ankarasë një numër më i madh i refugjatëve i kanë braktisur këto rajone dhe i janë afruar kufirit turk;

- Tensionet janë rritur në marrëdhëniet e Turqisë si me Shtetet e Bashkuara, ashtu edhe me Bashkimin Evropian.